Արդարադատության Ակադեմիա - ԱՐԴԱՐԱԴԱՏՈւԹՅԱՆ ԱԿԱԴԵՄԻԱ

Հունիսի 2-ին Արդարադատության ակադեմիայի ռեկտոր Սերգեյ Առաքելյանը հանդիպեց ՀՀ քննչական կոմիտեի ինքնավար պաշտոն զբաղեցնող անձանց (քննիչների) թեկնածությունների 2022 թվականի ցուցակում ընդգրկված ունկնդիրներին: Այս խմբում ընդգրկված է 24 ունկնդիր:

Ռեկտորը շնորհավորեց քննիչի թեկնածուներին, հաջող ուսումնառություն մաղթեց և ներկայացրեց ուսուցման գործընթացին առնչվող մանրամասներ, պատասխանեց հուզող հարցերին:

Մասնագիտական պատրաստումը, որ անցկացվելու է համապատասխան ուսուցման ծրագրով, մեկնարկելու է հունիսի 6-ին և նախատեսվում է ավարտել հոկտեմբերի 18-ին:

Հունիսի 2-ին Արդարադատության ակադեմիայի ռեկտոր Սերգեյ Առաքելյանը հանդիպեց Ակադեմիայում մասնագիտական պատրաստում անցնող ՀՀ քննչական կոմիտեի ինքնավար պաշտոն զբաղեցնող անձանց (քննիչների) թեկնածությունների 2022 թվականի ցուցակում ընդգրկված առաջին խմբի ունկնդիրներին:

Քննաշրջանից առաջ ռեկտորը ծանոթացրեց ունկնդիրներին քննությունների կազմակերպման և անցկացման կարգին, այդ թվում՝ արդյունքների բողոքարկման ընթացակարգին, պատասխանեց հետաքրքրող հարցերին:

Հունիսի 1-ին Արդարադատության ակադեմիայի պրոռեկտոր Մարգարիտ Ամյանը քննաշրջանին ընդառաջ հանդիպեց ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների 2022 թվականի ցուցակում ընդգրկված անձանց: Պրոռեկտորը ներկայացրեց քննության անցկացման կարգը, պատասխանեց ունկնդիրներին հետաքրքրող հարցերին:

Քննությունը կանցկացվի հունիսի 7-ին:

Մայիսի 27-ին Արդարադատության ակադեմիայում անցկացվեց «Վերապատրաստման ծրագրի գնահատում» թեմայով սեմինար Ակադեմիայի աշխատակիցների համար: Սեմինարը վարում էր միջազգային փորձագետ, կրթության և վերապատրաստման գծով դոկտոր Օթիլիա Ստեֆանիա Պակուրարին:

Սեմինարի ընթացքում անցկացվեցին խմբային աշխատանքներ, որոնց շրջանակում մասնակիցները ներկայացրին և վերլուծեցին ուսուցման ծրագրերի գնահատման առանձնահատկություններն ու մեթոդները:

Սեմինարների այս շարքն իրականացնում է Ակադեմիան՝ Միջազգային իրավական համագործակցության գերմանական հիմնադրամի (IRZ) հետ համատեղ՝ «Հայաստանում արդարադատության համակարգի ամրապնդում» ծրագրի շրջանակում: Սեմինարները նախատեսված են Ակադեմիայի ունկնդիրների, դասընթացավարների և աշխատակազմի համար:

Մայիսի 24-ին Արդարադատության ակադեմիայի ռեկտոր Սերգեյ Առաքելյանն ընդունեց Ռաուլ Վալլենբերգի անվան մարդու իրավունքների և մարդասիրական իրավունքի ինստիտուտի եվրոպական գրասենյակի տնօրեն Զուզանա Զալանովային և Արդարադատության մատչելիության բաժնի ղեկավար Ջոշ Աունսթեդին:

Ռեկտորը ողջունեց հյուրերի՝ համագործակցության խորացմանն ուղղված ջանքերը՝ երկու կառույցների միջև ստորագրված համագործակցության հուշագրի շրջանակում, ինչպես նաև ներկայացրեց միջազգային տարբեր կառույցների հետ այս պահին իրականացվող համատեղ ծրագրերը, առանձին թեմաների շրջանակում մշակվող դասընթացները:

Աշխատանքային հանդիպման ընթացքում քննարկվեցին մի շարք թեմաներ, մասնավորապես՝ Մարդու իրավունքների եվրոպական կոնվենցիայի 3-րդ հոդվածին առնչվող, որոնց վերաբերյալ դասընթացներ են մշակվելու, դասընթացավարների վերապատրաստումներ են անցկացվելու և այլն:

Կողմերը պայմանավորվեցին աշխատանքի արդյունավետությունն ապահովելու համար անցկացնել կարիքների գնահատում, որի հիման վրա կիրականացվեն նախանշված ծրագրերը:

Մայիսի 20-ին Արդարադատության ակադեմիայում անցկացվեց սեմինար «Էթիկայի և բարեվարքության հարցերը արդարադատության համակարգում. Լատվիայի և միջազգային լավագույն փորձը» թեմայով: Սեմինարների այս շարքն իրականացնում է Ակադեմիան՝ Միջազգային իրավական համագործակցության գերմանական հիմնադրամի (IRZ) հետ համատեղ՝ «Հայաստանում արդարադատության համակարգի ամրապնդում» ծրագրի շրջանակում:

Սեմինարն անցկացնում էր հակակոռուպցիոն և էթիկայի հարցերով փորձագետ Դիանա Կուրպնիեցեն (Լատվիա): Մասնակցում էին Ակադեմիայի ունկնդիրները՝ դատախազի թեկնածուները: Նախորդ շաբաթ վերոնշյալ թեմայով սեմինարին մասնակցում էին դատավորների թեկնածուների հավակնորդները:

Սեմինարի ընթացքում մասնակիցները հնարավորություն ունեցան ներկայացնելու պրակտիկ օրինակների վերաբերյալ իրենց դիրքորոշումները և քննարկել դրանք փորձագետի հետ:

Մայիսի 16-ին Արդարադատության ակադեմիայում մեկնարկեց ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների 2022 թվականի ցուցակում ընդգրկված անձանց մասնագիտական պատրաստումը: Խմբում ընդգրկված է 3 ունկնդիր:

Ուսուցումն անցկացվում է Արդարադատության ակադեմիայի կողմից մշակված և Ակադեմիայի կառավարման խորհրդի կողմից հաստատված համապատասխան ուսուցման ծրագրով, ըստ որի ուսումնառության ընդհանուր ժամաքանակը 122 ակադեմիական ժամ է՝ ներառյալ փորձաշրջանը:

Մայիսի 15-ից 16-ը Դիլիջանում անցկացվեց «Արդյունավետ հաղորդակցություն արդարադատության ոլորտում» թեմային նվիրված երկօրյա սեմինար: Այն իրականացվեց Ակադեմիայի և Միջազգային իրավական համագործակցության գերմանական հիմնադրամի (IRZ) հետ համագործակցությամբ՝ «Հայաստանում արդարադատության համակարգի ամրապնդում» ծրագրի շրջանակում:

Ողջույնի խոսքով հանդես եկան Արդարադատության ակադեմիայի պրոռեկտոր Մարգարիտ Ամյանը և IRZ-ի վերոնշյալ ծրագրի ղեկավար Փիթեր Գյորթլերը:

Սեմինարը վարում էր հաղորդակցության և մեդիա փորձագետ Սաշա Օլիվեր Ղուխը:

Մասնակցում էին Ակադեմիայի ունկնդիրները՝ քրեական և քաղաքացիական մասնագիտացմամբ դատավորների թեկնածուների հավակնորդները, ինչպես նաև Հակակոռուպցիոն դատարանի դատավորների թեկնածուները:

Մայիսի 13-ին Արդարադատության ակադեմիայի ռեկտոր Սերգեյ Առաքելյանը մասնագիտական պատրաստումից առաջ հանդիպեց Ակադեմիայի ունկնդիրներին՝ Վերաքննիչ դատարաններում դատավոր (հակակոռուպցիոն) նշանակվելու համար առաջխաղացման ենթակա դատավորների թեկնածուների ցուցակում ընդգրկված անձանց և ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների ցուցակում ընդգրկված անձանց:

Ռեկտորը ողջունեց ներկաներին և շնորհավորեց Ակադեմիայի ունկնդիր դառնալու կապակցությամբ՝ մաղթելով արդյունավետ ուսումնառություն: Քննարկվեցին ուսումնական գործընթացին վերաբերող բովանդակային և կազմակերպական մի շարք հարցեր:
Դատավորների թեկնածուների խմբում ընդգրկված է 10 ունկնդիր, իսկ դատախազների թեկնածուների խմբում՝ 3:

Մայիսի 13-ին Արդարադատության ակադեմիայում անցկացվեց սեմինար «Էթիկայի և բարեվարքության հարցերը արդարադատության համակարգում. Լատվիայի և միջազգային լավագույն փորձը» թեմայով: Սեմինարների այս շարքն իրականացնում է Ակադեմիան՝ Միջազգային իրավական համագործակցության գերմանական հիմնադրամի (IRZ) հետ համատեղ՝ «Հայաստանում արդարադատության համակարգի ամրապնդում» ծրագրի շրջանակում:

Սեմինարն անցկացնում էր հակակոռուպցիոն և էթիկայի հարցերով փորձագետ Դիանա Կուրպնիեցեն (Լատվիա): Մասնակցում էին Ակադեմիայի ունկնդիրները՝ դատավորների թեկնածուների հավակնորդները: