Թրաֆիքինգի դեմ պայքարի վերաբերյալ միջազգային գիտագործնական համաժողովին Ակադեմիայի ռեկտորի խորհրդականը հանդես է եկել զեկույցով
16.06.2022
Հունիսի 15-ին Արդարադատության ակադեմիայի ռեկտորի խորհրդական, իրավաբանական գիտությունների թեկնածու, դոցենտ Գևորգ Իսրայելյանը մասնակցել է ՀՀ ոստիկանության կրթահամալիրում անցկացված «Թրաֆիքինգի դեմ պայքարի քրեաիրավական, քրեաբանական և քրեադատավարական խնդիրները» թեմայով միջազգային գիտագործնական համաժողովին:
Գևորգ Իսրայելյանը ներկայացրել է զեկույց՝ «Թրաֆիքինգի լատենտայնության պատճառների և հետևանքների տեսական վերլուծություն» թեմայով:
Համաժողովին մասնակցել են ներկայացուցիչներ ՀՀ ոստիկանության կրթահամալիրից, «Փորձաքննությունների ազգային բյուրո» ՊՈԱԿ-ից: Առցանց եղանակով համաժողովին մասնակցել են ներկայացուցիչներ Ռուսաստանի Դաշնության և Ուզբեկստանի Հանրապետության ներքին գործերի նախարարությունների ուսումնական և գիտահետազոտական հաստատություններից:
