Արդարադատության Ակադեմիա - ԱՐԴԱՐԱԴԱՏՈւԹՅԱՆ ԱԿԱԴԵՄԻԱ

Լույս է տեսել «Բանբեր Արդարադատության ակադեմիայի» գիտագործնական հանդեսի 14-րդ համարը, որը նվիրվում է Հայրենական մեծ պատերազմում տարած հաղթանակի 80-ամյակին:

Հանդեսի էլեկտրոնային տարբերակը հասանելի է Արդարադատության ակադեմիայի պաշտոնական կայքում՝ հետևյալ հղումով՝ https://aoj.am/storage/bulletin

Դատախազների և քննիչների թեկնածությունների ցուցակի համալրման նպատակով անցկացվող բաց մրցույթին ընդառաջ՝ Արդարադատության ակադեմիան կազմակերպում է նախապատրաստական դասընթացներ ըստ համապատասխան հարցաշարերի:

•  Դասընթացի տևողությունը՝ 3 ամիս
•  Օրական ժամաքանակը՝ 3 ակադեմիական ժամ (120 րոպե)
•  Ձևաչափը՝ առկա (հեռավար եղանակով միանալու հնարավորությամբ) 
•  Անցկացման վայրը՝ Արդարադատության ակադեմիա 
•  Մեկնարկը՝ հուլիսի 1-ին
•  Դասընթացի ընդհանուր արժեքը՝ 500.000 ՀՀ դրամ

Ունկնդիր դառնալու համար անհրաժեշտ է մինչև հունիսի 30-ը ներառյալ Արդարադատության ակադեմիայի անձնակազմի և փաստաթղթաշրջանառության բաժին ներկայացնել.
1. դիմում՝ դասընթացին մասնակցելու ցանկության մասին, 
2. անձը հաստատող փաստաթղթի պատճենը՝ ներկայացնելով բնօրինակը, 
3. վճարման հաշվեհամար «ԱյԴի Բանկ» ՓԲԸ-ի թիվ 11811009845606:

Դասընթացներն ավարտելուց հետո ունկնդիրները, ցանկության դեպքում դասընթացների շրջանակներում ձեռքբերված գիտելիքների ստուգման և նախատեսված որակավորման ստուգմանը պատշաճ ներկայանալու նկատառումներից ելնելով, Արդարադատության ակադեմիայում կհանձնեն համապատասխան ձևաչափով քննություն:

Դասընթացներն անցած ունկնդիրներին կտրամադրվեն ավարտական վկայականներ:

Առավել մանրամասն՝ կից հղումով:

Կոնտակտային անձ՝ Անձնակազմի և փաստաթղթաշրջանառության բաժնի ղեկավար Էմմա Խուբլարյան, 098 00 05 50, 060 46 00 79, emma.khublaryan@justiceacademy.am
 

Մայիսի 29-ին Արդարադատության ակադեմիայի ռեկտոր Սերգեյ Առաքելյանն ընդունեց գերմանական հեղինակավոր «Կոնրադ Ադենաուեր» հիմնադրամի ներկայացուցիչներին՝ «Քաղաքական երկխոսություն Հարավային Կովկաս» տարածաշրջանային ծրագրի նորանշանակ ղեկավար Յակոբ Վյոլենշտայնին և երևանյան գրասենյակի ղեկավար Լիանա Մարուքյանին:

Ռեկտորը ողջունեց հյուրերին, կարևորեց Ակադեմիայի և Հիմնադրամի միջև արդյունավետ համագործակցության դրական արդյունքները, կողմերը քննարկեցին համատեղ իրականացված և իրականացվող ծրագրերը՝ վստահություն հայտնելով, որ հետագա համագործակցությունը ևս կլինի արգասաբեր:

Հյուրերը ծանոթացան նաև Ակադեմիայի շենքային պայմաններին, շրջեցին լսարաններով, եղան դատական նիստերի դահլիճում, գրադարանում,մարզասենյակում և հյուրանոցում:
 

Սույն թվականի մայիսի 19-ից 21-ը Արդարադատության ակադեմիայի ռեկտոր Սերգեյ Առաքելյանը Սանկտ Պետերբուրգում մասնակցեց XIII Պետերբուրգյան միջազգային իրավաբանական համաժողովին, որն անցկացվում էր Ռուսաստանի նախագահի բարձր հովանու ներքո:

Մասնակիցները հնարավորություն ունեցան հաղորդակցվելու իրավունքի, իրավապահ պրակտիկայի կատարելագործման, օրենսդրական նախաձեռնությունների խթանման, իրավական մշակույթի զարգացման և ժամանակակից պայմաններում սոցիալ - տնտեսական ոլորտի կարգավորման վերաբերյալ:

Համաժողովի շրջանակներում կազմակերպվեց Հայրենական մեծ պատերազմում տարած հաղթանակի 80-ամյա հոբելյանին նվիրված քննարկում «Մեծ Հաղթանակի համաշխարհային նշանակությունը գեղարվեստական ռետրոսպեկտիվում» խորագրով:

Քննարկմանը, որի համակարգողն էր Ռուսաստանի Գիտությունների ակադեմիայի Պետության և իրավունքի Ինստիտուտի միջազգային համագործակցության գծով փոխտնօրեն Ալեքսանդր Զվյագինցևը, «Հայ ժողովրդի ներդրումը Հայրենական մեծ պատերազմում տարած հաղթանակի գործում» խորագրով զեկույցով հանդես եկավ Արդարադատության ակադեմիայի ռեկտոր Սերգեյ Առաքելյանը:

Զեկույցներով հանդես եկան նաև Ռուսական Բանակի Կենտրոնական ակադեմիական թատրոնի տնօրեն Միլենա Ավիմսկայան, ՌԴ Քննչական կոմիտեի Ա. Յա. Սուխարևի անվան Մոսկովյան ակադեմիայի ռեկտոր Ալեքսեյ Բեսսոնովը, Բելառուսի Հանրապետության Քննչական կոմիտեի Որակավորման բարձրացման և Վերապատրաստման Ինստիտուտի ղեկավար Յուրի Կամենեցկին, Ռուսաստանի պետական հումանիտար համալսարանի ռեկտոր Անդրեյ Լոգինովը, ՌԴ Արդարադատության նախարարությանը կից Համառուսական արդարադատության պետական համալսարանի Կալուգայի ինստիտուտի (մասնաճյուղի) տնօրեն Ռոման Ֆեդոսեևը:

Միջոցառման շրջանակներում Արդարադատության ակադեմիայի ռեկտորն ունեցել է նաև մի շարք կարևոր հանդիպումներ, ձեռք են բերվել հետագա համագործակցության պայմանավորվածություններ:

Մայիսի 16-ին Արդարադատության ակադեմիայի ռեկտոր Սերգեյ Առաքելյանը հանդիպեց ՀՀ քննչական կոմիտեում ինքնավար պաշտոն զբաղեցնող անձանց (քննիչների) թեկնածությունների 2025 թվականի ցուցակում ընդգրկված ունկնդիրների երկրորդ խմբին: Խմբում ընդգրկված է 34 ունկնդիր:

Ռեկտորը շնորհավորեց քննիչի թեկնածուներին Ակադեմիայի ունկնդիր դառնալու կապակցությամբ, ներկայացրեց ուսուցման գործընթացի մանրամասները և պատասխանեց հուզող հարցերին:

Մասնագիտական պատրաստումը, որ անցկացվելու է համապատասխան ուսուցման ծրագրով, մեկնարկել է մայիսի 19-ին և նախատեսվում է ավարտել հուլիսի 30-ին:

Մայիսի 6-ին Արդարադատության ակադեմիայում ռեկտոր Սերգեյ Առաքելյանը դիպլոմներ հանձնեց ՀՀ քննչական կոմիտեում ինքնավար պաշտոն զբաղեցնող անձանց (քննիչների) թեկնածությունների 2025 թվականի ցուցակում ընդգրկված 1-ին խմբի ունկնդիրներին:

Ռեկտորը շնորհավորեց շրջանավարտներին մասնագիտական պատրաստումն ավարտելու կապակցությամբ. «Հարգելի ունկնդիրներ, ցանկանում եմ, որ երբևէ չապրեք հիասթափություն ձեր մասնագիտությունը ընտրելու և դրանով գործունեություն ծավալելու առումով», նշեց ռեկտորը՝ անփորձանք ծառայություն մաղթելով շրջանավարտներին:

Քննիչի թեկնածուների այս խմբում ընդգրկված է 27 ունկնդիր, որոնք մասնագիտական պատրաստում են անցել սույն թվականի փետրվարի 10-ից ապրիլի 25-ը՝ համապատասխան ուսուցման ծրագրով:

Տեսանյութ - https://www.youtube.com/watch?v=n5mRJXuU1EQ

Մայիսի 2-ին Արդարադատության ակադեմիայի ռեկտոր Սերգեյ Առաքելյանն ընդունեց Եվրասիական տնտեսական միության (ԵԱՏՄ) դատարանի դատավոր, ԵԱՏՄ դատարանի նախկին նախագահ Էռնա Հայրիյանին:

Ռեկտորը ողջունեց հյուրին՝ մեծապես կարևորելով ԵԱՏՄ դատարանի հետ համագործակցության դրական փորձը:

Կողմերը քննարկեցին երկկողմ հետաքրքրություն ներկայացնող հարցեր, խոսեցին համատեղ իրականացված և իրականացվող ծրագրերից:

Հանդիպման ավարտին Էռնա Հայրիյանը շնորհակալություն հայտնեց ջերմ ընդունելության համար՝ ընդգծելով նման հանդիպումների կարևորությունը: 

Ապրիլի 25-ին Արդարադատության ակադեմիա այցելեցին ԵՊՀ իրավագիտության ֆակուլտետի մի խումբ ուսանողներ: Ուսանող իրավաբաններ հյուրընկալելու ավանդույթը Արդարադատության ակադեմիայում ձևավորվել է դեռևս 2016 թվականին: Այս անգամ ևս ռեկտոր Սերգեյ Առաքելյանը սիրով ընդունեց ԵՊՀ իրավագիտության ֆակուլտետի ՈՒԳԸ-ի նախաձեռնությունը և հյուրընկալեց ապագա իրավաբաններին:

Ռեկտորը ողջունեց ուսանողներին, ներկայացրեց Ակադեմիայի գործունեության հիմնական ուղղությունները, պատասխանեց ընդունելությանը, ուսումնառությանը, քննաշրջանի կազմակերպմանը վերաբերող մի շարք հարցերի:

Հանդիպման ավարտին ապագա իրավաբանները խորին շնորհակալություն հայտնեցին ջերմ ընդունելության համար, ուսանողներից ոմանք նշեցին, որ ցանկություն ունեն ապագայում դառնալ Արդարադատության ակադեմիայի ունկնդիր՝ ընդգրկվելով դատավորի, դատախազի կամ քննիչի թեկնածությունների ցուցակներում:

Այցի շրջանակում ուսանողները ծանոթացան նաև Ակադեմիայի շենքային պայմաններին, եղան լսարաններում, դատական նիստերի դահլիճում, գրադարանում, հյուրանոցում, մարզասրահում:
 

Ապրիլի 23-ի ուշ երեկոյան Արդարադատության ակադեմիայի աշխատակազմը` ռեկտոր Սերգեյ Առաքելյանի գլխավորությամբ այցելեց Ծիծեռնակաբերդի հուշահամալիր, անմար կրակի շուրջ ծաղիկներ խոնարհեց և հարգանքի տուրք մատուցեց Հայոց ցեղասպանության զոհերի հիշատակին։

Այսօր Հայոց ցեղասպանության 110-րդ տարելիցն է։
 

Արդարադատության ակադեմիան Հայաստանի Հանրապետության Ֆրանսիայի դեսպանատան և «Էքսպերտիզ ֆրանս» միջազգային փորձագիտական գործակալության հետ համատեղ ապրիլի 16-18-ը կազմակերպեց «Հայաստանում շրջակա միջավայրի դատական պաշտպանություն» վերտառությամբ 3-օրյա դասընթաց:

 Միջոցառման մեկնարկին Ակադեմիայի պրոռեկտոր Մարգարիտ Ամյանը ողջունեց ներկաներին, շնորհակալություն հայտնեց գործընկեր կառույցներին նման արդիական թեմայով դասընթաց կազմակերպելու նախաձեռնության համար՝ կարևորելով բոլորիս կողմից շրջակա միջավայրի պաշտպանությունը՝ որպես կյանքի իրավունքի առաջնային երաշխիք:

Դասընթացը, որին մասնակցում էին ոլորտում մասնագիտացված դատավորներ, դատախազներ, քննիչներ, ինչպես նաև միջազգային կառույցների և քաղ.հասարակության ներկայացուցիչներ, վարում էին Վերսալի վերաքննիչ դատարանի առաջին նախագահ և Արդարադատության գլխավոր տեսչության նախկին ղեկավար  Ժան Ֆրանսուա Բենելը, իրավաբանական գիտությունների դոկտոր և շրջակա միջավայրի իրավունքի փաստաբան Լոռ Աբրամովիչը, Էքս ան Պրովանսի դատարանի դատախազ Դելֆին Ագոգեն, պատվավոր դատավոր և բնապահպանական արդարադատության փորձագետ Վենսան Դելբոսը, քրեական իրավունքի և շրջակա միջավայրի իրավունքի փաստաբան Լոռա Մոնիեն, Վարչական դատարանի դատավոր Կարեն Զարիկյանը, Բնապահպանական իրավունքի փորձագետ Օլիմպիա Գեղամյանը: