«Դատարաններում խտրականության արգելման և հավասար վերաբերմունքի ապահովման» թեմայով աշխատաժողով Ակադեմիայում
Հունիսի 24-ին Արդարադատության ակադեմիայի և Շվեդիայի Ազգային դատարանների ադմինիստրացիայի կողմից համատեղ կազմակերպվեց «Դատարաններում խտրականության արգելման և հավասար վերաբերմունքի ապահովման» թեմայով աշխատաժողով:
Միջոցառման մեկնարկին Ակադեմիայի պրոռեկտոր Մարգարիտ Ամյանը ողջունեց ներկաներին, շնորհակալություն հայտնեց միջազգային գործընկերներին նման ֆորմատի համատեղ միջոցառում կազմակերպելու համար՝ կարևորելով խտրականության արգելքի և իրավահավասարության թեմայի արդիականությունը նաև շեշտադրելով այն հանգամանքը, որ վերջինս ամրագրված է Մարդու իրավունքների պաշտպանության ազգային ռազմավարությունից բխող 2023-2025թթ. գործողությունների ծրագրում:
Վերապատրաստումը, որը նախատեսված էր բոլոր ատյանների և մասնագիտացումների դատավորների համար, վարում էին Վերաքննիչ քրեական դատարանի դատավոր Արսեն Նիկողոսյանը և Շվեդիայի Վարչական դատարանի դատավոր Ջենիֆեր Մուր Փիթերսոնը:
