Դիպլոմներ՝ Հակակոռուպցիոն դատարանի դատավորների թեկնածուների հավակնորդներին և Հակակոռուպցիոն կոմիտեում ինքնավար պաշտոն զբաղեցնող անձանց (քննիչների) թեկնածությունների ցուցակում ընդգրկված անձանց
Մարտի 19-ին Արդարադատության ակադեմիայում ռեկտոր Սերգեյ Առաքելյանը դիպլոմներ հանձնեց Հակակոռուպցիոն դատարանի դատավորների թեկնածուների հավակնորդների և Հակակոռուպցիոն կոմիտեում ինքնավար պաշտոն զբաղեցնող անձանց (քննիչների) թեկնածությունների 2024 թ. ցուցակում ընդգրկված անձանց: Դիպլոմներ ստացան Ակադեմիայի 6 ունկնդիրներ:
Ակադեմիայի ռեկտոր Սերգեյ Առաքելյանը շնորհավորեց շրջանավարտներին մասնագիտական պատրաստումն ավարտելու կապակցությամբ. «Հարգելի ունկնդիրներ, խնդրում և միաժամանակ պահանջում եմ ձեր մասնագիտական գործառույթներն իրականացնելիս բարձր պահել Ակադեմիայի պատիվը», - նշեց պարոն Առաքելյանը՝ անդրադառնալով ևս մեկ կարևոր հանգամանքի, այն է՝ սիրած մասնագիտությամբ, սիրած գործով սիրով զբաղվելը երջանկության բաղադրիչներից է և այդ առումով շատ կարևոր է որևէ պարագայում հիասթափություն չունենալ կատարած ընտրությունից:
Տեսանյութ - https://youtu.be/Hf2lRtKVY0U
