Ակադեմիայի պրոռեկտորը Բուդապեշտում մասնակցել է մենթորների միջազգային վերապատրաստման դասընթացի՝ ԵԽ ծրագրի շրջանակում
Սեպտեմբերի 5-ից 7-ը Արդարադատության ակադեմիայի պրոռեկտոր Մարգարիտ Ամյանը Հունգարիայի մայրաքաղաք Բուդապեշտում մասնակցել է մենթորների միջազգային վերապատրաստման դասընթացի՝ Եվրոպայի խորհրդի (ԵԽ) «Կանանց արդարադատության մատչելիություն. գենդերային հավասարության և կանանց նկատմամբ բռնության չափանիշների իրականացում» ծրագրի շրջանակում, որն իրականացվում է ԵԽ «Գործընկերություն հանուն լավ կառավարման» կառուցակարգի 3-րդ փուլի շրջանակում: Հայաստանյան պատվիրակության կազմում էին նաև դատավորներ, քննիչներ:
ԵԽ փորձագետներ Զորա Չալագովիցի ու Էլիզաբեթ Դուրբանի համահեղինակությամբ մշակվել է մենթորային ծրագրի համապատասխան ուղեցույց իրավաբան-մասնագետների համար՝ «Կանանց համար արդարադատության մատչելիություն» թեմայով, որի կիրառման մեթոդաբանությանը ծանոթացան ինչպես Հայաստանի պատվիրակության, այնպես էլ մասնակից երկրների ներկայացուցիչները՝ Վրաստան, Մոլդովա, Ուկրաինա, Ադրբեջան:
Ծրագիրն իրականացնում է ԵԽ-ն՝ Եվրոպական միության և Եվրոպայի խորհրդի համաֆինանսավորմամբ:
