Արդարադատության ակադեմիայի ներկայացուցիչը Հունգարիայում մասնակցել է վերապատրաստման՝ նվիրված էլեկտրոնային ուսուցման նորարար գործիքակազմի կիրառմանը
17.07.2023
Հուլիսի 10-ից 14-ը Արդարադատության ակադեմիայի հեռաուսուցման և ՏՏ դեպարտամենտի աշխատակից Քրիստինե Կարապետյանը Հունգարիայի մայրաքաղաք Բուդապեշտում մասնակցել է «Վերապատրաստողների վերապատրաստում. էլեկտրոնային ուսուցման նորարար գործիքակազմ» թեմայով դասընթացի: Ք. Կարապետյանը ներկայացրել է հեռաուսուցման կազմակերպման Ակադեմիայի փորձը՝ նորարական տեխնոլոգիաների կիրառմամբ:
Վերապատրաստման այս դասընթացը կազմակերպել էր Եվրոպական միության իրավապահ մարմինների աշխատակիցների վերապատրաստման գործակալությունը՝ «Վերապատրաստում և գործառնական համագործակցություն ընդդեմ կազմակերպված հանցագործությունների» ծրագրի շրջանակում, Եվրոպական հանձնաժողովի ֆինանսավորմամբ:
Մասնակցել են ներկայացուցիչներ ոչ միայն Հայաստանից, այլև Վրաստանից, Ադրբեջանից, Մոլդովայից, Ուկրաինայից:
