Եռօրյա վերապատրաստում՝ ֆինանսական գրագիտության թեմայով
Հունիսի 22-ից 24-ը Արդարադատության ակադեմիան ՀՀ ֆինանսների նախարարության և Համաշխարհային Բանկի հայաստանյան գրասենյակի հետ համատեղ իրականացրեց «Ֆինանսական գրագիտություն ՀՀ իրավական ոլորտի մասնակիցների համար» խորագրով եռօրյա վերապատրաստում:
Միջոցառման մեկնարկին ողջույնի խոսքով հանդես եկան Ակադեմիայի ռեկտոր Տաթևիկ Սուջյանը, ՀՀ ֆինանսների նախարարի տեղակալ Արման Պողոսյանը, Համաշխարհային Բանկի հայաստանյան գրասենյակի ղեկավար Ֆաբրիցիո Ձարկոնեն և Ավստրիական զարգացման գործակալության երևանյան գրասենյակի ղեկավարի տեղակալ Նորա Ալանակյանը: Նրանք ողջունեցին մասնակիցներին, ընդգծեցին իրավական ոլորտի ներկայացուցիչների ֆինանսական գրագիտության շարունակական զարգացման անհրաժեշտությունը՝ կարևորելով դրա նշանակությունը մասնագիտական գործունեության արդյունավետության բարձրացման և արդի մարտահրավերներին համարժեք արձագանքելու տեսանկյունից, ինչպես նաև շնորհակալություն հայտնեցին գործընկերներին համատեղ նախաձեռնության համար:
Վերապատրաստումն անցկացրել է Համաշխարհային Բանկի խորհրդատու Արփինե Ղևոնդյանը:
