Հանդիպում՝ Ռաուլ Վալլենբերգի անվան մարդու իրավունքների և մարդասիրական իրավունքի ինստիտուտի եվրոպական գրասենյակի գործընկերների հետ
13.09.2022
Սեպտեմբերի 13-ին Արդարադատության ակադեմիայի ռեկտոր Սերգեյ Առաքելյանն ընդունեց Ռաուլ Վալլենբերգի անվան մարդու իրավունքների և մարդասիրական իրավունքի ինստիտուտի եվրոպական գրասենյակի տնօրեն Զուզանա Զալանովային և ավագ խորհրդատու, գիտահետազոտող Մորթեն Քոխ Անդերսենին:
Ռեկտորը ողջունեց հյուրերի՝ համագործակցության խորացմանն ուղղված ջանքերը՝ երկու կառույցների միջև ստորագրված հուշագրի շրջանակում:
Զուզանա Զալանովան շնորհակալություն հայտնեց սեպտեմբերի 13-14-ին Ակադեմիայի հետ համատեղ անցկացվող վերապատրաստումը պատշաճ կազմակերպելու համար:
Հանդիպման ընթացքում կողմերը քննարկեցին առաջիկա համագործակցության ուղղությունները և դրանց իրականացման հնարավորությունները:
