Դատավորների և դատախազների վերապատրաստում՝ նվիրված ՀՀ քրեական նոր օրենսգրքին
Հոկտեմբերի 1-3-ը Աղվերանում անցկացվեց վերապատրաստում դասընթացավարների համար` նվիրված ՀՀ քրեական նոր օրենսգրքին: Վերապատրաստումն իրականացվեց Արդարադատության ակադեմիայի և Եվրոպայի խորհրդի (ԵԽ) հետ համատեղ՝ «Աջակցություն քրեական բարեփոխումներին և եվրոպական չափանիշների կիրառման ներդաշնակեցումը Հայաստանում» ծրագրի շրջանակում, որը ֆինանսավորվում է Եվրոպական Միության և ԵԽ-ի կողմից: Մասնակցում էին դատավորներ, դատախազներ:
Բացման խոսքով հանդես եկան Ակադեմիայի ռեկտոր Սերգեյ Առաքելյանը և ԵԽ երևանյան գրասենյակի ղեկավար Մարտինա Շմիդտը: Սերգեյ Առաքելյանն իր խոսքում նշեց, որ ԵԽ-ի հետ իրականացվող այս վերապատրաստումը չափազանց օգտակար է Ակադեմիայի դասընթացավարների համար: Ռեկտորը վստահություն հայտնեց, որ այս և հաջորդող վերապատրաստումների արդյունքում ձեռք բերված գիտելիքները, փորձը լավագույնս կկիրառվեն թե՛ ուսումնական գործընթացում, թե՛ մասնագիտական գործունեության մեջ:
Վերապատրաստումը վարում էին ԵԽ ազգային փորձագետներ Աննա Մարգարյանը, Տիգրան Սիմոնյանը, ինչպես նաև ԵԽ միջազգային փորձագետ Ջերեմի ՄաքԲրայդը, ով 2017 և 2019 թթ. մասնակցել է վերոնշյալ օրենսգրքի նախագծի փորձաքննությանը:
