Մեկնարկել է 2021թ. ունկնդիրների՝ քննիչի թեկնածուների 1-ին խմբի մասնագիտական պատրաստումը
10.05.2021
Մայիսի 10-ին մեկնարկեց Արդարադատության ակադեմիայի 2021 թվականի ունկնդիրների՝ ՀՀ քննչական կոմիտեում ինքնավար պաշտոն զբաղեցնող անձանց (քննիչների) թեկնածությունների ցուցակում ընդգրկված անձանց մասնագիտական պատրաստումը: Քննիչի թեկնածուների այս խմբում ընդգրկված է 30 ունկնդիր: Ուսուցումն անցկացվում է առցանց եղանակով:
Մասնագիտական պատրաստումը անցկացվում է համապատասխան ուսուցման ծրագրով՝ 106 ակադեմիական ժամ տևողությամբ: Ուսուցումը նախատեսվում է ավարտել սեպտեմբերի 14-ին, որը ներառում է նաև եռամսյա փորձաշրջանը:
