Եռօրյա սեմինար՝ քաղաքացիական գործեր քննող դատավորների համար
Ապրիլի 16-ից 18-ը Ծաղկաձորում անցկացվեց «Պարզեցված և արագացված վարույթներ, կորպորատիվ վեճերի նոր կանոնները» թեմայով դասընթաց քաղաքացիական գործեր քննող դատավորների համար: Եռօրյա դասընթացն անցկացվեց Վերակառուցման և զարգացման եվրոպական բանկի (EBRD) և Իրավունքի զարգացման միջազգային կազմակերպության (IDLO) կողմից համատեղ իրականացվող «Հայաստանում դատական ներուժի զարգացում-քաղաքացիական դատավարության նոր օրենսգիրքը» ծրագրի շրջանակում՝ Արդարադատության ակադեմիայի հետ համագործակցությամբ:
Դասընթացի բացմանը ողջույնի խոսքով հանդես եկավ Արդարադատության ակադեմիայի պրոռեկտոր Անահիտ Մանասյանը, ով իր խոսքում կարևորեց Ակադեմիայի և միջազգային կազմակերպությունների՝ մասնավորապես Վերակառուցման և զարգացման եվրոպական բանկի, Իրավունքի զարգացման միջազգային կազմակերպության միջև արդյունավետ համագործակցությունը՝ նշելով, որ համագործակցությունը շարունակական է լինելու:
