Արդարադատության ակադեմիայում ունկնդիրները դատախաղ են անցկացրել
17.08.2020
Շարունակվում է ապօրինի ծագում ունեցող գույքի բռնագանձմանն ուղղված գործառույթներ իրականացնող դատախազների թեկնածությունների 2020 թվականի ցուցակում ընդգրկված անձանց մասնագիտական պատրաստումը՝ հեռավար եղանակով: Ուսուցման ծրագրի համաձայն՝ ուսուցումն իրականացվում է դասախոսությունների, սեմինար և գործնական պարապմունքների, ինչպես նաև ունկնդիրների ինքնակրթությունը խրախուսող կրթական արդի եղանակների միջոցով:
Դասերը թեև անցկացվում են հեռավար, սակայն այսօր, համապատասխան դասընթացի շրջանակում, ունկնդիրների մասնակցությամբ անցկացվեց դատախաղ՝ Արդարադատության ակադեմիայում: Դատախաղին հետևում էին Ակադեմիայի դասընթացավարներ Հովիկ Շահնազարյանը, Հայարփի Զարգարյանը, Գոռ Թորոսյանը:
