Ռեկտորը քննաշրջանին ընդառաջ առցանց հանդիպում անցկացրեց ունկնդիրների հետ
Մայիսի 14-ին Արդարադատության ակադեմիայի ռեկտոր Սերգեյ Առաքելյանը առցանց հանդիպում անցկացրեց Ակադեմիայի 2020 թվականի ունկնդիրների՝ դատավորների թեկնածուների հավակնորդների և դատախազների թեկնածուների հետ: Ուսուցման յուրաքանչյուր հատվածից հետո և քննաշրջանից առաջ ռեկտորի և ունկնդիրների միջև անցկացվում են հանդիպում-քննարկումներ: Այս անգամ, չխախտելով ավանդույթը, քննարկումը ևս տեղի ունեցավ, բայց, ստեղծված իրավիճակով պայմանավորված, այն անցկացվեց հեռավար եղանակով, որի ժամանակ ռեկտորը ներկայացրեց քննությունների անցկացման կարգը, պատասխանեց ունկնդիրներին հուզող հարցերին:
Ունկնդիրները երախտագիտութուն հայտնեցին նման ձևաչափով հանդիպման անցկացման և հետաքրքրող հարցերի պարզաբանումները ստանալու հնարավորության համար:
Քննությունը նախատեսված է անցկացնել մայիսի 22-ին:
