Հանդիպում-քննարկում ռեկտորի հետ՝ քննաշրջանին ընդառաջ
Մայիսի 14-ին Արդարադատության ակադեմիայի ռեկտոր Սերգեյ Առաքելյանը քննաշրջանին ընդառաջ աշխատանքային հանդիպում անցկացրեց մասնագիտական պատրաստում անցնող ունկնդիրների՝ դատավորների թեկնածուների հավակնորդների և դատախազների թեկնածությունների ցուցակում ընդգրկված անձանց հետ: Հանդիպման ընթացքում քննարկվեցին քննաշրջանին առնչվող բովանդակային և տեխնիկական մի շարք հարցեր, նաև գնահատման չափորոշիչները, կարգը և այլն: Ռեկտորը ներկայացրեց քննակարգին առնչվող մանրամասներ, պատասխանեց ունկնդիրներին հետաքրքրող հարցերին, նաև խոստացավ ընթացք տալ կազմակերպական հարց-առաջարկներին, որոնք հնչեցվեցին ունկնդիրների կողմից: Ռեկտորը հավաստիացրեց, որ ամեն ինչ արվել է քննությունները պատշաճ մակարդակով անցկացնելու համար՝ օբյեկտիվության և հրապարակայնության ապահովման նպատակով:
Ուսուցման երկրորդ հատվածին հաջորդելու է քննաշրջանը, որը մեկնարկելու է մայիսի 27-ին, անցկացվելու է 1-ական գրավոր քննություն՝ դատավորների թեկնածուների հավակնորդների և դատախազների թեկնածուների համար:
