Դատավորների և դատախազների կարողությունների զարգացմանն ուղղված համատեղ ծրագիր ԵԽ-ի հետ
Մարտի 18-ին Արդարադատության ակադեմիա է այցելել Եվրոպայի խորհրդի (ԵԽ) համագործակցության ծրագրերի և կարողությունների զարգացման բաժնի ներկայացուցիչ, ծրագրի համակարգող Անկա Սանդեսկուն: Ակադեմիայի պրոռեկտոր Անահիտ Մանասյանը կարևորել է ԵԽ-ի հետ շարունակական համագործակցությունը և ընդգծել ԵԽ «Կանանց համար արդարադատության մատչելիություն» ծրագրի իրականացման կարևորությունը: Ծրագիրը նախանշված է Արևելյան գործընկերության երկրների դատաիրավական ուսուցում իրականացնող համապատասխան կառույցների համար՝ 2019-2021թթ.-ին:
Անկա Սանդեսկուն ներկայացրել է ծրագրի այն բաղադրիչը, որն առնչվում է Արդարադատության ակադեմիայի հետ իրականացվելիք համատեղ միջոցառումներին՝ ուղղված ուսումնական ծրագրերի՝ մասնավորապես դատավորների և դատախազների կարողությունների զարգացմանը: Կողմերը քննարկել են ծրագրով նախատեսված միջոցառումների իրականացմանն առնչվող բովանդակային և կազմակերպական մի շարք հարցեր:
