Հանրային կապերի ապագա մասնագետները հետաքրքրված են Ակադեմիայի հանրային կապերի բաժնի աշխատանքով
Մարտի 7-ին Արդարադատության ակադեմիա են այցելել Երևանի Վ. Բրյուսովի անվան պետական լեզվահասարակագիտական համալսարանի «Սոցիալական գիտությունների և սերվիսի» ֆակուլտետի «Հանրային կապեր (PR)» բաժնի մագիստրատուրայի երկրորդ կուրսի ուսանողները:
Նրանք համապատասխան դասընթացի և պրակտիկայի շրջանակում այցելում են պետական գերատեսչություններ և մասնավոր կազմակերպություններ՝ ծանոթանալու կառույցների գործունեությանը, հանրային կապերի ոլորտում տարվող աշխատանքներին, հաղորդակցության կառավարման և կորպորատիվ PR-ի առանձնահատկություններին: Հանրային կապերի ապագա մասնագետներն իրենք էին ցանկություն հայտնել այցելել Արդարադատության ակադեմիա, ծանոթանալ Ակադեմիայի հանրային կապերի բաժնի աշխատանքներին, տեղում ստանալ իրենց հետաքրքրող հարցերի պատասխանները:
Ուսանողներն իրենց դասախոսի հետ ծանոթացան Ակադեմիայի համագործակցության և հանրային կապերի բաժնի աշխատանքներին, քննարկեցին Ակադեմիայում հանրային կապերին վերաբերող մի շարք հարցեր: Հյուրերը նաև շրջեցին Ակադեմիայի շենքում, ծանոթացան ապագա և գործող դատավորների, դատախազների, քննիչների ուսումնառության պայմաններին: Նրանք նաև հնարավորություն ունենցան ներկա լինել Ակադեմիայի ռեկտորի և ՀՀ քննչական կոմիտեի ծառայողների (քննիչների) 2019 թվականի թեկնածուների՝ մասնագիտական պատրաստման մեկնարկից առաջ անցկացվող առաջին հանդիպմանը:
