Դասախոսություն պատերազմական հանցագործությունների կանխարգելման և քրեական հետապնդման վերաբերյալ
Հուլիսի 15-ին Արդարադատության ակադեմիայում <<Պատերազմական հանցագործությունների կանխարգելումը և քրեական հետապնդումը>> թեմայով բաց դասախոսությամբ հանդես եկավ Կարմիր խաչի միջազգային կոմիտեի (ԿԽՄԿ) Արևելյան Եվրոպայի և Կենտրոնական Ասիայի տարածաշրջանային իրավախորհրդատու Անաստասիա Կուշլեյկոն:
Դասախոսությունից առաջ ԿԽՄԿ հայաստանյան պատվիրակության հաղորդակցման ծրագրերի ղեկավար Զառա Ամատունին լսարանին ներկայացրեց 1992 թվականից ի վեր Հայաստանում և Լեռնային Ղարաբաղում ԿԽՄԿ-ի գործունեության հիմնական ուղղությունները, առաջնահերթություններն ու իրականացվող ծրագրերը:
Անաստասիա Կուշլեյկոն դասախոսության ընթացքում անդրադարձավ պատերազմական հանցագործություններին և Ժնևի կոնվենցիաներին, ներկայացրեց միջազգային մարդասիրական իրավունքի խախտումների պատժումը, Կարմիր խաչի միջազգային կոմիտեի դերը պատերազմական հանցագործությունների կանխարգելման գործում և թեմային առնչվող մի շարք այլ հարցեր: Դասախոսությանը հաջորդեց քննարկում՝ հարց ու պատասխանի ձևաչափով:
